Moreel oardiel en it model dat útset waard

Sjoerd hat syn hier der ôf, en dat bliuwt net ûnopmurken. Dizze wike giet it fan in kealle kop en in stoarmrit nei grutte fragen oer moraal, en fan Fryske gânsen nei in AI-model dat de stekker der wer útlutsen krige. In ôflevering dy't fan djip nei flau giet, en wer werom.

Wat ús bliid makke. Sjoerd hat nei in brulloft besletten dat keal eins better is, en no fielt er alles op syn holle. Hy hat ek yn 'e stoarm tsjin de wyn yn fytst en rekkenet hurdop hoefolle kaloryen dat koste. Marc makke in kuier troch it bosk, rekke de wei kwyt mei de telefoan yn 'e auto en rûn hielendal de ferkearde kant op. Dêrnei folge noch in nawandeling, want sa'n kuier moatst ek even útrinne. Fierder is Marc bliid mei it geduld fan minsken dy't op syn pinne wachtsje. By it útleverjen rûn de app by in protte fêst, mar de minsken holpen inoar. Dan noch searjes: Sjoerd sjocht Fallout, dat stadich op gong komt mar better wurdt, en Marc sjocht in aparte superheldesearje mei in sinyske blik op 'e wrâld.

Polityk mei Sjoerd. Sjoerd nimt in omstriden online-figuer as útgongspunt, dy't fan har swierens in seksfeest meitsje woe. Hast elkenien fûn dat smakeleas, mar Sjoerd freget him ôf op basis wêrfan. As moraliteit subjektyf is en de iennige regel is dat jo in oar gjin sear dogge, dan hâldt ús kultuer gjin taal oer om soks te feroardieljen. Dochs dogge wy it, en dat fynt er hoopfol: ús morele ynstinkt wurket noch. Mar neffens him is dizze frou gjin útsûndering, se is gewoan te betiid. Wat in skoft lyn noch gek wie, is no normaal. Syn konklúzje: wa't dit no net wol, wol it letter ek net, en kin sels in streek lûke.

Frysk nijs. De provinsje hat in fergunning jûn om gânsen te fergassen, om't se de lânbou in protte skea dogge. Marc fynt it in sneu ferhaal, Sjoerd is minder sêft: krekt noch blies in gâns him ta doe't er derlâns fytste. Marc tinkt dat dat mear oan Sjoerd lei as oan de gâns.

Technology mei Marc. SpaceX gie nei de beurs, mei de grutste beursgong ea, en Marc fynt it in prachtige reis fan raketten dy't eartiids ûntploften oant dit. Ek Anthropic hat papieren yntsjinne foar in mooglike beursgong. Apple hie syn jierlikse ûntwikkelderskonferinsje, mei einlings in grutte fernijing fan Siri en in nije macOS. As lêste kaam der in lang ferwachte, tige sterk model út, dêr't foarôf al foar warskôge wie. Al gau luts de Amerikaanske oerheid om redenen fan nasjonale feiligheid de stekker der wer út. Marc leit út wat jailbreaken is en wêrom't dat by sa'n model gefaarlik wêze kin.

Se slute ôf mei flauwe moppen en in filosofysk puzel oer in ynboukoelkast.