Wêrom nije gebouwen lelik binne en de rjochtsaak oer OpenAI

Dizze ôflevering begjint op in boat yn Utrecht en einiget by it favorite meubel fan in tsjoender. Dêrtusken in stevich pleit oer skientme, in Marc dy't net alles sa mar slokt, en in rjochtsaak dy't op in ûnhandich momint komt.

Wat ús bliid makke. Earst in klant fan de webshop dy't stickers kocht hie krekt foardat dy flink ferbettere waarden. Dêr komt in passende oplossing foar. Sjoerd hat in lange fytstocht makke en ûntdekt dat wat je faker dogge, makliker giet. Dêrnei kaam er Marc tafallich tsjin by it stasjon, en bliken se op wei nei itselde frijgesellefeest yn Utrecht. Mei de hiele groep yn in boat troch de grêften, Sjoerd oan it roer sûnder de farregels te kennen, en in middei op in dakterras. Marc is bliid dat syn suske jierdei hat, en dat er tsjintwurdich wurkjende koade krije kin sûnder sels programmearje te kinnen.

Polityk mei Sjoerd. Yn Utrecht seach Sjoerd oan de iene kant in lilk gebou en oan de oare kant moaie âlde panden en in lyts tsjerkje. Dat paste by in stik dat er krekt skreaun hie oer it Forum yn Grins, dat njonken in âlde tsjerke stiet. Om it Forum moai te finen hast arguminten nedich. By de tsjerke sjochst it gewoan. Yn in kultuer dy't gjin hierargy mear oandoart, set men úteinlik in kubus del. Marc set der tsjin yn dat in protte grutte tsjerken boud binne om sjen te litten hoe ryk en machtich de bouwers wiene, net folle oars as in toer yn Dubai. Sjoerd lûkt de line troch nei minsken. Lookmaxxing jaget op papier de skientme nei, mar komt út in oerflakkich idee, dus it wurket net. Sjoerd slút ôf mei in advys: fyts om it fytsen, net om dyn tiden op it ynternet te setten.

Frysk nijs. Marc hat amper nijs. It petear driuwt ôf nei it keningshûs, en fan dêr nei Jezus, dy't de rest fan 'e ôflevering yn hast elke sin opdûkt.

Technology mei Marc. De rjochtsaak fan Elon Musk tsjin OpenAI is begûn. Musk fynt dat it bedriuw syn missy ferruile hat foar winst. It drama komt krekt no't it bedriuw him klearmakket foar de beurs. Dan in AI-bril dy't de hiele dei foto's makket fan watst dochst. Marc fynt it aardich om ris te besykjen, mar freget him ôf oft we sa'n ding echt allegear op 'e noas wolle. En de grutte chipmakkers wurkje oan in AI-chip foar de telefoan, dêr't gjin apps mear op hoege, mar in agint dy't dyn berjocht gewoan stjoert. Sjoerd freget him ôf oft er te âld wurdt.

Se slute ôf mei riedsels oer wat grien is en om 'e hoeke sit, en de fraach wat it favorite meubel fan in tsjoender is. In poef, fansels.